Heyrn Hlíðasmára 11 Kópavogi, sími: 534 9600, netfang: heyrn@heyrn.is

Algengustu gerðir tækja


Lítið tæki bak við eyra (BTE)

Opin tenging við hlust með grannri hljóðslöngu eða hátalarasnúru.
Í eyranu er hátalari, hljóðkeila eða plúskeila.
Flestir, sem ekki eru með mjög alvarlega heyrnarskerðingu, velja opna tengingu. Sjá nánar tengil hér til hægri.

Krafttæki bak við eyra

Tenging við eyra með hljóðslöngu í hlustarstykki sem lokar hlustinni. Tæki sem tengd eru á þennan hátt eru mjög fjölhæf og öflug.

Hverfa inn í hlustir (Invisible-in–Canal, IIC)

Tækin hverfa inn í hlustirnar og sjást ekki. Þau eru sérsmíðuð eftir afsteypum úr hlustunum og stærð þeirra fer eftir vídd hlustanna. Sumir hafa það þröngar hlustir að tækin komast varla fyrir. Tækin falla inn í hlustirnar og það loftar lítið með þeim. Helsti kostur við þau er að það ber ekkert á þeim, það þarf að kíkja inn í hlustina en þá sést í dökkan enda tækis.

Tæki inni í eyra (ITE)

Tækin sitja í hlustinni og fylla út í hana þannig að það loftar lítið um hlustina. Flestir völdu tæki inni í eyra þar til opna tengingin kom á markað sem flestir velja nú. Með tæki inni í eyra losnar notandinn við tenginguna á milli hlustar og tækis sem sumum finnst erfitt að koma fyrir. Einnig er tæki inni í eyra lítið áberandi.

Tæki inni í eyra eru sérsmíðuð eftir afsteypu úr hlustinni og verða að passa vel. Þau eru í meira raka en tæki aftan við eyra og bila þess vegna oftar. Ef senda þarf tæki í viðgerð getur notandi ekki fengið annað lánað á meðan þar sem um sérsmíði er að ræða.

HEYRN ehf, Hlíðasmára 11, 201 Kópavogur, kt: 590307-0920,
sími: 534 9600, fax: 534 9620, netfang: heyrn@heyrn.is

HEYRN ehf, Hlíðasmára 11, 201 Kópavogur, kt: 590307-0920, sími: 534 9600, fax: 534 9620, netfang: heyrn@heyrn.is