• Forsíða
• Heyrnarþjónusta
•   Styrkir 
• Heyrnartæki
• Eldri heyrnartæki
• Um heyrnarskerðingu
• Hljóðheimurinn
• Stoðtæki
• Um heyrnartæki
• Heyrnarvernd
• Ýmsar vörur
• Heyrn ehf
• Gæðakönnun
• Fræðslubæklingar
• Afgreiðslutími og kort

Tenglar

Háþróuð mælitæki frá GN ReSound.

Heyrnarþjónusta, heyrnarmæling, heyrnarpróf

Ferli heyrnarþjónustu

Hjá Heyrn færðu greiningu, ábendingar um ráð við heyrnarskerðingu og tilboð um lausn sem vonandi hentar þér.
Ekki þarf tilvísun til að koma til heyrnarfræðings.

Þegar þú kemur í heyrnarþjónustuna þá er farið yfir eftirfarandi atriði:

• Þú gefur upplýsingar um heyrnarsögu þína.
• Þá er gerð heyrnargreining en hún er gerð til að fá sem skýrasta mynd af heyrn þinni svo unnt sé að veita þér sem besta þjónustu.
  Í heyrnargreiningu felst að:
  • hlustin og hljóðhimnan eru athuguð. Ef mikill eyrnamergur er í eyrunum eða eitthvað sést athugavert þá þarftu að fara til háls-, nef- og eyrnalæknis.
  • nákvæm heyrnarmæling er gerð með mismunandi tónhæð sem gefur heyrnarrit.
  • gerð er talgreining sem felur í sér að finna hvernig þú greinir talað mál.
  • notuð er þrýstimæling til að finna hvernig miðeyrað vinnur.
• Þegar komin er niðurstaða úr heyrnargreiningunni þá er útskýrt fyrir þér hvaða upplýsingar hún gefur um heyrn þína.
• Aðstandendur þínir geta með heyrnarhermi fengið að heyra hvernig þú heyrir tónlist eða talmál. Á þann hátt öðlast þeir mun betri skilning á aðstæðum þínum og hvernig heyrnarskerðing þín er í raun og veru.

Ef þú hefur hug á að fá heyrnartæki þá eru þau valin út frá niðurstöðu heyrnargreiningarinnar og því hljóðumhverfi sem þú hrærist í. Mikilvægt er að þú upplýsir heyrnarfræðinginn um hljóðumhverfi þitt.

Þér er boðið að prófa heyrnartæki sem falla að þinni heyrn og reyna þau við mismunandi aðstæður.

Í sumum tilvikum eru tekin mót af eyrunum til að unnt sé útbúa eftir þeim hlustarstykki í eyrun eða heyrnartæki inni í eyra . Það er háð heyrn og smekk hvers og eins hvaða gerð heyrnartækja er valin.

Flestir velja nú til dags tæki bak við eyra með grannri hljóðslöngu eða hátalarasnúru og opinni hljóðkeilu þannig að það lofti um hlustina.

Endurkomur

Fyrir flesta er það mikil breyting að byrja að nota heyrnartæki, þess vegna er eðlilegt að þurfa koma aftur til að fínstilla tækin. Það er einstaklingsbundið hversu oft þarf að fínstilla. Við hjá Heyrn mælum með að þú komir a.m.k. einu sinni á ári til að láta yfirfara tækin þín. Þannig að þú fáir sem best not af tækjunum og þau endist sem lengst.

Í endurkomutímum gefst einnig kostur á að fara betur yfir meðhöndlun og viðhald tækjanna og laga það sem betur má fara.